CARIA Portus in Thracia

CARIA Portus in Thraciâ

Mela, l. 2. c. 2. Portus ipse Καρῶν λιμην` vocabatur, sed vero regio circumsita Caria. Testantur hoc Arrianus, et Anonymus, de Ponto Euxino; quamvis apud posteriorem perperam legitur κατακλύζεται, pro Κκρίᾳ κλύζεται. Notum enim, Pontum Euxinum non esse obnoxium reciprocationi alicui sensibili. Scio quidem aquas et hîc quoque multum intumescere, adeoque attolli, ut totum hunc tractum ad quatuor usque milliaria operuerit, quandoque urbes vero Odessum, et Dionysiopolim totas pene absorpserit, prodentibus id Cedrenô aliisque. Verum particularia ticularia ista diluvia locum hîc habere non possunt, cum totô saepe saeculô vix semel contingant. Sed vero, quod Arriani lectionem maxime confirmat, Cariamque regionem hîc fuisse evincit, i. e. quod praeter hunc Portum Carum, situm hîc fuerit et aliud oppidulum Κέραμος dictum, cuius meminit Pausan. Eliacis posterioribus: Ο῾ πολίτης δ᾿ ἦν οὗτος εν Κεράμου τῆς εν τῇ Θρακίᾳ Καρία. Perperam viri docti id accipiunt de Ceramo in Cariâ Asiaticâ, tamquam si et illic aliqua fuisset Thracia. Recte vero Suidas, in voce Ι῾ππόδαμος, locum illum Pausaniae respiciens, Θρακίαν Καρίαν interpretatur την` εν Θράκῃ Καρίαν. Is. Vol. in Melaeloc. cit. Idem Nic. Lloydius.